All posts filed under: Álit / pistlar

HA06 er komið út!

Sjötta tölublað HA hefur nú litið dagsins ljós og mun án efa birta upp í huga alls áhugafólks um íslenska hönnun og arkitektúr í helsta skammdeginu. Tímaritið telur rúmlega 140 blaðsíður af áhugaverðu efni enda af nógu að taka þegar kemur að íslenskri hönnunarsenu. Meðal efnis er viðtal við Jón Helga Hólmgeirsson yfirhönnuð hjá Genki Instruments sem er skreytt myndaþætti sem unninn var í samvinnu við Studio Fræ. Þá fá lesendur innsýn í hugmyndavinnuna að baki útskriftarverkefnis Sunnu Örlygs fatahönnuðar í meistaranámi hennar við ArtEZ, sem myndað var af Magnúsi Andersen ljósmyndara. Paul Bennett, yfirhönnunarstjóri hjá IDEO, sem fékk hálfan salinn til að fella tár á síðustu DesignTalks með persónulegri frásögn sinni, skrifar um upplifun sína af landi og þjóð í opnu bréfi til Íslendinga. Ásmundur Hrafn Sturluson og Steinþór Kári Kárason, arkitektar og eigendur Kurt og Pí, sem hlutu nýverið Hönnunarverðlaun Íslands fyrir endurhönnun Marshall-hússins segja frá því hvernig arkitónísk hugsjón mótaði hugmyndina að breyttu hlutverki hússins á öllum stigum. Grímur Sæmundsen forstjóri og stofnandi Bláa lónsins, sem hlaut viðurkenningu fyrir bestu fjárfestingu í …

HA Nr. 06 er komið út

Sjötta tölublað HA hefur nú litið dagsins ljós og mun án efa gleðja áhugafólk um íslenska hönnun og arkitektúr. Tímaritið telur að þessu sinni rúmlega 140 blaðsíður af áhugaverðu efni enda er af nógu að taka þegar kemur að íslenskri hönnunarsenu. Forsíðuviðtalið er við Jón Helga Hólmgeirsson, yfirhönnuð hjá Genki Instruments, en með því fylgir myndaþáttur sem var unninn í samvinnu við Studio Fræ. Þá veitir Sunna Örlygs fatahönnuður lesendum innsýn í ferlið að baki útskriftarverkefni hennar í meistaranámi við ArtEZ, sem myndað var af Magnúsi Andersen ljósmyndara. Paul Bennett, yfirhönnunarstjóri hjá IDEO, sem fékk hálfan salinn til að fella tár á síðustu DesignTalks með persónulegri frásögn sinni, skrifar um upplifun sína af landi og þjóð í opnu bréfi til Íslendinga. Ásmundur Hrafn Sturluson og Steinþór Kári Kárason, arkitektar og eigendur Kurt og Pí, sem hlutu nýverið Hönnunarverðlaun Íslands fyrir endurhönnun Marshall-hússins, segja frá því hvernig arkitónísk hugsjón mótaði hugmyndina að breyttu hlutverki hússins á öllum stigum. Grímur Sæmundsen forstjóri og stofnandi Bláa lónsins, sem hlaut viðurkenningu fyrir bestu fjárfestingu í hönnun, segir frá því …

Hlemmur

Biðskýlið við Hlemm hefur verið umdeilt frá því það var byggt árið 1978. Draumurinn um að þar yrði líflegt og bjart markaðstorg snérist fljótt upp í andhverfu sína og Hlemmur varð einn þekktasti samkomustaður pönkara og utangarðsfólks í miðbæ Reykjavíkur. Hið sérstæða hús, sem teiknað var af Gunnari Hanssyni, gekk nýverið í endurnýjun lífdaga og hýsir nú matarmarkaðinn Hlemm – Mathöll. Bjarki Vigfússon rekur hér áhugaverða sögu Hlemmtorgs. Veitingasala við Hlemmtorg hófst fyrir meira en 100 árum Árið 1904 reis hús við Hverfisgötu 125 sem kallað var Norðurpóllinn en í því var frá upphafi veitingasala fyrir ferðalanga sem þar áttu leið um. Svæðið í kringum Hlemm markaði þá nokkurn veginn borgarmörk Reykjavíkur í austri en byggðin var þá enn nær öll vestan Hlemms. Ferðalangar sem komu til borgarinnar úr austri, eða voru að yfirgefa borgina, fóru því um Hlemm og aðalleiðin austur í Þvottalaugarnar lá þarna um. Hlemmtorg hefur því verið áningarstaður og tengipunktur í samgöngukerfi Reykjavíkur allt frá 19. öld. Sagt er að Hlemmur hafi á þessum tíma einnig verið vinsæll áfangastaður ungra elskenda …

Hugleiðing um landslag

Landslag er marglaga hugtak og fyrirbæri sem hefur verið viðfangsefni margra ólíkra faggreina og fræðasviða í gegnum tíðina. Ef litið er yfir sviðið kemur í ljós að landslag á sér einkum tvær hliðar sem hafa fengið mismikla athygli – þessar tvær hliðar eru annars vegar landslag sem áþreifanlegt og sýnilegt fyrirbæri og hins vegar landslag sem óáþreifanleg og ósýnileg samtvinnun þeirrar veru sem skynjar og þess fyrirbæris sem skynjað er. Hér á eftir fer hugleiðing mín um samspil þessara hliða og það hvaða máli landslag skiptir okkur sem fyrirbæri og hugtak, hvort sem er í daglegu lífi okkar og athöfnum eða fag- og fræðigreinum eins og hönnun og arkitektúr.    Eins og í fyrri hugleiðingu minni um fegurð sem birtist á heimasíðu HA 1 langar mig að byrja á að rýna í það hvernig við notum orðið landslag í daglegu máli. Það sem mörgum dettur eflaust fyrst í hug er að nota orðið um upplifun af hefðbundnu landslagi eins og því sem börn á grunnskólaaldri myndu teikna: fjöllum, dölum, túnum, vötnum, ám, himni, hafi. Margir …

Nemendaserían 2017 / Rætt við Thomas Pausz prófessor við LHÍ

[Þessi grein er því miður aðeins birt á ensku.] Through the Looking Glass is a series of spotlights showcasing new design talent. The series offers an in-depth look into six exceptional graduation projects from the Iceland Academy of the Arts, along with an introductory interview with Thomas Pausz—a professor of product design at the Iceland Academy of the Arts and the curator of the 2017 BA degree show TEIKN / GESTURES. In the interview below, Thomas helps us gain a greater perspective on this year’s graduating students and insight into what young designers are making today. Through the series, we hope to gauge the upcoming creative pulse in Iceland and offer a window into how a new generation of creatives is responding to times of environmental anxiety, political instability and redefined values. — As the curator, how would you characterize this year’s graduating projects? I was very inspired by the humour with which the students are addressing difficult topics. We live in confusing times, with a disturbing political and ecological crisis, but this generation is …

HA#5

Stuggaðu við skilningarvitunum í sumar

Fimmta tölublað HA er komið í verslanir – stuggaðu við skilningarvitunum og hafðu gott lesefni við höndina í sumarfríinu. Eins og vorútgáfu HA sæmir þá er fjallað um nokkur verkefni sem kynnt voru á síðastliðnum HönnunarMars. Þar á meðal er viðtal við hönnunarteymið And Anti Matter, sem sýndi hvað umgjörð sýningar getur skipt miklu máli. Einnig er fjallað um verkefni Sigga Odds þar sem rúnir ráða ríkjum og nýja fatalínu Anítu Hirlekar en þau vöktu bæði verðskuldaða athygli á HönnunarMars. Skipulagsmál borgarinngar eru skoðuð út frá nýjum sjónarhorni, kannað hvort menntaverkefnið Biophilia hafi stuðlað að nýsköpun í skólum og hrist upp í hefðbundnum kennsluaðferðum á Norðurlöndum. Jafnframt er að finna viðtal við eigendur Tulipop en fyrirtækið er að hefja innrás á bandarískan markað og kynnti nýlega visthverfa viðbót við vörulínur sínar. Þá er rætt við Búa Bjarmar vöruhönnuð sem fjallar um skítlegan áhrifavald sinn og skartgripahönnuðurinn Guðbjörg í Aurum deilir úr viskubrunni sínum. Síðast en ekki síst er að finna í ritinu tvo hugvíkkandi myndaþætti sem sýna okkur fegurðina í hversdagsleikanum og litríkar samsetningar af íslenskri hönnun. HA fæst í verslunum Eymundsson um allt land og helstu hönnunarverslunum á höfuðborgarsvæðinu; Epal, Aurum, Hrím, Geysir, …

Snerting með birtu, andrúm í efni

Minningarorð um Högnu Sigurdardottur arkitekt

Það dugði ekki minna en fullt snjótungl, tímabundinn tunglmyrkva og halastjörnu til að kalla Högnu Sigurðardóttur upp til stjarnanna föstudagsnóttina síðastliðna. Öflugt ákall himintunglanna leysti hana loks úr viðjum langvinnra og erfiðra veikinda, að loknu ævistarfi sem um margt var sérstakt og örlátt. Högna fæddist á Heimaey í Vestmannaeyjum, þann 6.júlí 1929 en hún ákvað snemma að helga sig listinni að byggja. Að loknu stúdentsprófi frá Menntaskólanum í Reykjavík fluttist hún Parísar þar sem hún lauk námi í byggingarlist frá hinum virta listaskóla École Nationale Supérieure des Beaux-Arts vorið 1960. Að sumu leyti má segja að örlögin hafi ráðið því að hún ílengdist að námi loknu, stofnaði teiknistofu og átti megnið af sínum starfsferli í Frakklandi, sem að sögn Högnu var sársaukafullt að ýmsu leyti. Með vinnunni ytra vann hún jafnframt handfylli verka á Íslandi, og önnur sem voru aldrei byggð, en lifa í fallegum teikningum og líkönum. Án efa eru það persónulegustu verk hennar, sem áttu sér rætur í íslenskum byggingararfi og landslagi sem hafa auðgað íslenska byggingarlist og menningararf. Hinir andstæðu heimar og …

Sjáið okkur

Ímyndarsköpun og hlutverk hönnunar í íslensku rappi

  Tónlistarbransinn hefur gengið í gegnum miklar breytingar á síðustu árum. Með tilkomu streymisveitna hefur plötusala dregist saman á ógnarhraða og á síðustu fjórum árum hefur plötusala á Íslandi dregist saman um 50%. Árið 2012 seldust 250.000 eintök hér á landi en árið 2015 seldust aðeins um 126.000 eintök og enn dregur úr sölunni. Á sama tíma hefur íslensk tónlist aldrei verið í meiri útrás. Miðað við höfðatölu er í raun ótrúlegt hvað Ísland hefur getið af sér marga heimsfræga tónlistarmenn; kanónur á borð við Björk, Sigur rós, Of Monsters and Men, Kaleo, Jóhann Jóhannsson, Ólaf Arnalds og fleiri íslenskir tónlistarmenn eru alþekkt vörumerki erlendis. Útón, útflutningsskrifstofa íslenskrar tónlistar, hefur rekið öflugt kynningarstarf og veitir tónlistarmönnum loftbrú yfir á erlenda markaði með styrkjum, ráðgjöf og öflugu tengslaneti. Sprenging hefur orðið í tíðni tónlistarhátíða á borð við Iceland Airwaves, Sónar Reykjavík, Secret Solstice, Extreme Chill, Eistnaflug, LungA og svo mætti lengi telja. Í raun má segja að ekki sé laus helgi yfir sumartímann vegna tónlistarviðburða. Þegar gróskan er svona mikil getur verið snúið fyrir tónlistarmenn að …

HA nr. 3

er komið út

Þriðja tölublað HA er komið út. Að þessu sinni skoðum við tækifærin í umrótinu, leikum okkur að reglunum og tökumst á við áskoranir framtíðarinnar. Dæmi um greinar í HA nr. 3 : Sigríður Sigurjónsdóttir stofnandi Spark Design Space, talar um íslensku hönnunarsenuna og framtíð Spark sem nú leggst í dvala. Marco Steinberg, arkitekt og hönnunarráðunautur, skrifar um endurhönnun stjórnkerfa og segir smægð Íslands kost í því samhengi. Steinþór Kára Kárason, prófessor og arkitekt, talar um nauðsyn þess að brjótast út úr gömlu regluverki í mótun borgarumhverfis. Eigendur Vík Prjónsdóttur tala um íslenskt framleiðsluumhverfi og ullariðnaðinn. Hreyfimyndahönnuðirinn Gabríel Bachmann myndgerir tónlist fyrir marga af vinsælustu tónlistarmönnum landsins. Norræni Hönnunarhópurinn 1+1+1 leikur sér að óvissunni í samsettum vörulínum. Við skoðum hvernig nemendur við Listaháskóla Íslands vinna að því að leysa vanda samtímans. Föstu liðirnir: Hjalti Geir Kristjánsson húsgagnaarkitekt deilir með okkur reynslu sinni í Viskubrunninum. Í Áhrifavaldum segir Tanja Levý fatahönnuður okkur frá áhrifavöldum sínum og blaðamaðurinn Daniel Goling skoðar íslensku hönnunarsenuna í dálkinum Séð úr fjarlægð. Auk þess eru tveir myndaþættir og umfjallanir úr íslenska hönnunarheiminum og viðtöl …

Nú vandast leikurinn

Einkenni góðra leiksvæða

Þörf fyrir fjölbreytt og vönduð leiksvæði er brýn í borg sem þéttist hratt. Landslagsarkitektarnir Aðalheiður E. Kristjánsdóttir og Svava Þorleifsdóttir skoða hvað einkennir góð leiksvæði. Texti: Aðalheiður E. Kristjánsdóttir og Svava Þorleifsdóttir. Forsíðumynd: Eva Lind Skólinn og nánasta umhverfi hans er vinnustaður barnanna okkar allt frá tveggja ára aldri en börn dvelja í skólum og leikskólum í sex til átta klukkustundir á hverjum degi. Það er því mikilvægt að skóla- og leikskólalóðir séu hannaðar með þarfir þeirra í huga. Leiksvæði þurfa að vera hönnuð með það að markmiði að börn fái útrás fyrir leik, sköpunarkraft og hreyfiþörf og að þau hvetji til útiveru og leikja því almennt er talið æskilegt að öll börn stundi miðlungserfiða eða erfiða hreyfingu í minnst 60 mínútur daglega. Góð leiksvæði örva ímyndunarafl barna og eru hreyfihvetjandi vettvangur, bæði fyrir skipulagðan og sjálfsprottinn leik. Mikilvægi hreyfingar og útiveru í daglegu lífi barna er augljóst enda læra þau í gegnum leik. Rannsóknir hafa sýnt að útivera hefur ótvíræð jákvæð áhrif á einbeitingu, nám og félagsleg samskipti barna. Því er mikilvægt að standa vörð …