Author: Arnar Ingi

Prjón í nýju ljósi

MAGNEA

„Prjón er svo fjölbreytt og spannar allt frá fíngerðum sokkabuxum upp í stórar handprjónaðar kaðlapeysur; það býður upp á endalausa möguleika og það hefur verið mitt markmið að gera ferska hluti og fá fólk til að hugsa um prjónið á annan hátt“. Höfundur : Ásta Andrésdóttir / Ljósmyndari Aldís Pálsdóttir Þetta segir Magnea Einarsdóttir fatahönnuður sem árið 2012 útskrifaðist með láði frá hinum virta Central Saint Martins í London. Fatahönnunarnámið hófst reyndar við bandaríska háskólann Parsons í París að loknu fornámi við Myndlistarskólann í Reykjavík. Ætlunin var að skipta í miðju námi yfir í Parsons í New York og kynnast þannig tveimur af stærstu tískuborgum heims. Þá komst ég að því að ég gat tekið skiptiönn við CSM og heillaðist af sköpunarkraftinum og listræna frelsinu en ekki síður af deildaskiptingunni innan fatahönnunarnámsins. Þar er hægt er að sérhæfa sig í kvenfatnaði, prjónahönnun og svo framvegis. Talið berst að íslenskri prjónahefð og kveðst Magnea ekki hafa kunnað sérlega vel við íslensku ullina og ekki notað hana mikið í náminu fyrr en í lokaverkefninu. Fyrir lokaárið tók hún árslangt barneignarleyfi …

Hugsjónir í híbýlafræði

Kristín Guðmundsdóttir

Nafn Kristínar Guðmundsdóttur hefur ekki verið fyrirferðarmikið í íslenskri hönnunarsögu þrátt fyrir að hún hafi verið fyrst Íslendinga til að sækja sér menntun erlendis í innanhússarkitektúr. Höfundur: Halldóra Arnardóttir  / Ljósmyndir: David Frutos Kristín, sem kaus að kalla sig híbýlafræðing, ruddi brautina fyrir þá innanhússarkitekta sem á eftir komu. Hún átti frumkvæði að mörgum nýjungum í innanhúss­arkitektúr, sérstaklega hvað varðar hönnun eldhúsinnréttinga og notkun litasamsetninga. Enn í dag má finna upprunalegar innréttingar hannaðar af Kristínu en því miður hafa margar verið niðurrifnar. Í bókinni Kristín Guðmundsdóttir, híbýlafræðingur/Interior Designer, sem er væntanleg á markaðinn, fær Kristín verðskuldaða viðurkenningu sem brautryðjandi á sínu sviði. En hver er þessi merka kona? Kristín Guðmundsdóttir (f. 1923) var fyrst Íslendinga til að mennta sig í innanhússhönnun á háskólastigi. Í júní 1943 steig hún um borð í Brúarfoss sem sigldi síðan yfir Atlantshafið og lagðist að bryggju í New York 21. júlí. Siglingin frá Íslandi til New York tók mánuð með viðkomu í Skotlandi og Brúarfoss var eitt skipa af 70 í skipalest. Þessi ferðamáti var táknrænn fyrir hættur styrjaldarinnar og breytta stefnu …

Er Reykjavík að verða fullvaxta?

Nýtt aðalskipulag Reykjavíkur 2010–2030

Íbúaspá Hagstofu Íslands gerir ráð fyrir að íbúum höfuðborgarsvæðisins muni fjölga um 25 þúsund fram til ársins 2030, eða um 0,9% á ári miðað við 1,6% undanfarin 20 ár. Það er því fyrirséð að vöxtur Reykjavíkur muni dragast töluvert saman á næstu áratugum. Samantekt: Sigríður Maack Þetta er meðal þess sem liggur til grundvallar þeirri áherslu sem lögð er á þéttingu byggðar í nýju aðalskipulagi Reykjavíkur 2010–2030. Hið nýja aðalskipulag var gefið út í fyrra í einkar vandaðri útgáfu af bókaforlaginu Crymogeu með fjölda skýringarmynda og vel aðgengilegum texta. Útlit og uppsetning bókarinnar er unnin af vinnustofu Atla Hilmarssonar. Að baki liggur nokkurra ára upplýsingaöflun og vönduð fagleg vinna fjölda sérfræðinga. Aðalskipulag Reykjavíkur er einnig hægt að nálgast í heild sinni á vef Reykjavíkurborgar en hér verða dregnir fram nokkrir helstu þættir þess. Bindandi leiðarvísir Aðalskipulag er í eðli sínu samkomulag borgarbúa um hvernig staðið skuli að uppbyggingu borgarinnar. Í því er falin stefnumörkun sem er bindandi fyrir skipulagsákvarðanir. Eitt af þeim markmiðum sem sett voru við gerð nýs aðalskipulags var að bæta það sem stjórntæki …

Eftir á að hyggja

Pétur H. Ármannsson

Skipulagssaga Reykjavíkur er saga stórra drauma sem ekki rættust. Metnaðarfullra hugmynda sem ýmist dagaði uppi eða voru aðeins raungerðar í brotakenndri mynd. Þessi þróunarsaga er viðfangsefni þriggja nýútkominna bóka. Höfundur: Pétur H. Ármannsson / Ljósmyndir Pétur H. Thomsen ÍReykjavík sem ekki varð draga Anna Dröfn Ágústsdóttir sagnfræðingur og Guðni Valberg arkitekt fram og myndgera forvitnilegar tillögur um opinberar byggingar í miðbæ Reykjavíkur sem ekki urðu að veruleika. Þar má sjá dæmi um glötuð tækifæri í bland við hugmyndir sem þakka má fyrir að ekki komu til framkvæmda. Í bók dr. Bjarna Reynarssonar skipulagsfræðings, Borgir og borgarskipulag, er kafli um sögu byggðar og skipulags í Reykjavík. Þar er að finna aðgengilegt yfirlit um skipulagssögu höfuðborgarinnar og þróun hennar er sett í samhengi við alþjóðlega framvindu… …Þegar fjallað er um áhrif fjármálabólu og bankahruns á umhverfið er hættan sú að einblínt sé á ytri einkenni fremur en þau undirliggjandi lögmál sem ráða því hvernig mál þróast. Mikilvægt er að greina á milli þeirra orsakavalda sem skýra má af sérstökum aðstæðum hér á landi og hinna sem eru …

Prýðileg Smíð

FÍG 90 Ára

Félag íslenskra gullsmiða fagnaði 90 ára afmæli sínu í október síðastliðnum og af því tilefni var afmælissýningin Prýði sett upp í Hönnunarsafni Íslands. Sýningin stóð frá 18. október 2014 til 25. janúar 2015. Höfundur: Harpa Þórsdóttir / Ljósmyndari: Íris Stefánsdóttir Sýningarfyrirkomulagið var ekki með hefðbundnu móti því val á gripum var ekki í höndum sýningarstjóra eða valnefndar heldur var ákveðið að bjóða öllum félagsmönnum að senda inn gripi. Sýningin gaf því ágætt tilefni til að velta upp stöðu íslenskrar gull- og silfursmíði á okkar tímum. Þetta sýningarfyrirkomulag, það er að láta gullsmiðum það sjálfum eftir að velja eigin smíð til sýningar, er opnari leið en að leggja valið í hendur sýningarstjóra eða valnefndar. Yngri gullsmiðir fengu þannig kjörið tækifæri til að stíga fram… …Þrátt fyrir að íslensk gull- og silfursmíði eigi sér langa og ríka sögu virðumst við ekki hafa skapað þær aðstæður fyrir gullsmiði að þeir sem hafa til þess hæfileika og metnað geti söðlað um og fært sig í ríkari mæli yfir í listræna skartgripasmíði og hönnun. Á sýningunni í Hönnunarsafninu þurfti enginn að velkjast …

Viskubrunnur

Lífsreglur og heilræði frá Gísla B. Björnssyni

Fáir hafa markað grafíska hönnun á Íslandi dýpri sporum en Gísli B. Björnson teiknari. Afkastamikill ferill hans nær yfir fimm áratugi og hann telst meðal upphafsmanna módernisma í grafískri hönnun á Íslandi. Við báðum Gísla að veita úr viskubrunni sínum og gefa upp nokkar dýrmætar lífsreglur sem teiknarar eða aðrir hönnuðir geta haft til hliðsjónar í hörðum heimi hönnunar og auglýsinga. Höfundur: Arnar Ingi Viðarsson / Ljósmyndir: Arnar Fells Samvinna, ekki samkeppni Hlutverk okkar er ekki eingöngu að taka við beiðnum um vinnu heldur einnig að sýna frumkvæði. Símtal eða heimsókn, án þess að það sé pantað fyrir fram, getur leitt til betra samstarfs, nýrra verkefna og verið metið að verðleikum. Allt er gott í hófi Til eru þúsundir mismunandi leturtegunda og hver hönnuður á sitt eða sín óskastafróf. Mér hafa dugað fá en góð letur og ég kæmist trúlega af með fjögur valin letur með sínum afbrigðum. Lærðu að segja nei Það er mikilvægara en að kunna latínu. Verkkaupar hafa sterka tilhneigingu til að ráðskast með hönnuði. Við verðum að hafa sterka vitund, sjálfsvirðingu og …

Kúlur kveða sér hljóðs

Bryndís Bolla

Kúlur Bryndísar Bolladóttur má finna víða. Þær bregða sér í ólík hlutverk eftir því hvaða efni hún notar við uppbyggingu hennar. Í vörulínunni hennar KULA er meðal annars að finna snaga, hitaplatta, leikföng, hljóðdempara og hljóðdreifara. Grunnformið er þó alltaf hálf eða heil kúla þar sem efsta lagið er þæfð ull. Texti: Sigríður Maack / Myndir:Ernir Eyjólfsson & A2F arkitektar Bryndís er menntaður myndlistarmaður og textílhönnuður. Hún hefur unnið að framleiðslu sinni síðan 2009. Í upphafi hannaði hún skálar og diskamottur fyrir Örva starfsþjálfun þar sem hekl var hitapressað ofan í plast. Bryndís er meðal þeirra hönnuða sem hafa landað samningi á Design Match, sem er stefnumót hönnuða og framleiðenda á HönnunarMars ár hvert. Danski hönnunarvöruframleiðandinn Normann Copenhagen hóf framleiðslu á snögum og hitaplöttum í vörulínunni KULA sem þróaðir höfðu verið í samstarfi við Örva. Seinna fluttist framleiðslan austur á land þaðan sem vel lá við að flytja vörurnar með Norrænu til söluaðila um alla Evrópu. Í seinni tíð hafa viðfangsefni Bryndísar einkum snúist um listrænar hljóðlausnir. Nýverið vann hún áhugaverð hljóð- og innsetningarverk fyrir nýja framhaldsskólann …